«Дзякуючы падтрымцы партнёраў наша армія асвойвае сучаснае заходняе ўзбраенне і дзеліцца вопытам вядзення сучаснай вайны», — падкрэсліў Уладзімір Зяленскі на сустрэчы з вайскоўцамі. Ён дадаў, што Расія не ўварвалася б у яго краіну, калі б яго краіна была ў НАТА.
Зяленскі зазначыў, што шмат гадоў таму сярод некаторых сяброў Пакту панаваў скептыцызм адносна прыняцця Украіны. «Расія вельмі шмат працавала з нашымі цяперашнімі партнёрамі, вяла дыялог, рабіла ўсё, каб Украіну не прынялі ні ў НАТА, ні ў Еўрасаюз, каб Украіна не развівалася і не магла вырвацца з-пад уплыву Расйскай Федэрацыі. Цяпер Украіны павінны перамагчы ў змаганні за незалежнасць», — сказаў Уладзімір Зяленскі.
Паводле слоў украінскага лідара, яго краіна ўступіць у НАТА, калі выйграе вайну. «Я не думаю, што мы ўвойдзем у Альянс падчас вайны. Некаторыя з чальцоў бачаць у гэтым рызыку, іншыя проста скептычна ставяцца. Спадзяюся, [пасля перамогі ў вайне] ні ў каго не застанецца сумневаў наконт узроўню Украіны, якая ўдзельнічае ў поўнамаштабнай вайне, якая мае на фронце высокакваліфікаваных спецыялістаў у розных галінах», — падкрэсліў Зяленскі.
Падчас учорашняга выступу ў Вярхоўнай Радзе Украіны Генеральны сакратар НАТА Енс Столтэнбэрг заявіў, што не можа сказаць, калі Украіна стане сябрам Альянсу.
ПР/юл